مکیش امبانی کے بیٹے شادی، بھارتی اداکار ایک بس میں سوار ہوگئے، ویڈیو وائرل
Webdesk
|
2 Mar 2024
جام نگر: معروف بھارتی بزنس مین مکیش امبانی کے بیٹے اننت امبانی کی شادی کی تقریبات کے موقع پر بھارتی اداکاروں کی ایک ہی بس میں سوار ہونے کی ویڈیو سوشل میڈیا پر گردش کررہی ہے۔
بالی ووڈ کے مشہور اور امیر ترین اسٹارز بھارتی بزنس ٹائیکون مکیش امبانی کے بیٹے اننت امبانی کی شادی کی تقریبات میں شرکت کے لیے گجرات کے شہر جام نگر پہنچے۔
سوشل میڈیا پر وائرل ویڈیو میں دیکھا جاسکتا ہے کہ معروف بھارتی اداکارلائن بنا کر بس میں سوار ہورہے ہیں۔
بس میں سوار ہونے والے بھارتی اداکاروں میں انیل کپور، ان کی بیٹی اداکارہ سونم کپور، ورون دھون اوران کے والد ڈیوڈ دھون، اننیا پانڈے اور دیگراسٹارز شامل ہیں۔
مذکورہ ویڈیو سوشل میڈیا پر وائرل ہونے کے بعد صارفین کی جانب سے دلچسپ تبصروں کا سلسلہ بھی جاری ہے۔
ایک صارف نے کہا کہ امبانی صاحب نے ان بھارتی اداکاروں کو ایک بس میں بٹھا کر ان کی اوقات دکھا دی۔ کچھ لوگوں نے اسے پیسے کا کھیل قرار دیا۔ جبکہ سوشل میڈیا صارفین کی جانب سے کمنٹس کا سلسلہ جاری ہے۔
Comments
0 comment