مسٹر پرفیکٹ نہیں بلکہ ایک عام انسان ہوں، عامر خان

بالی ووڈ کے معروف اداکار عامر خان نے خود سے متعلق انکشاف کرتے ہوئے کہا ہے کہ میں مسٹر پرفیکٹ نہیں بلکہ ایک محنت کرنے والا انسان ہوں۔

اپنی ہر فلم اور کردار میں منفرد نظر آنے والے عامر خان نے حال ہی میں بھارتی میڈیا کو دیے گئے انٹرویو میں خود کو مسٹر پرفیکٹ کہنے سے روکا اور کہا کہ حقیقت میں ایسا کچھ نہیں ہے۔

انہوں نے اپنی بات کو جاری رکھتے ہوئے کہا کہ ’میں حقیقت میں مسٹر پرفیکٹ نہیں ہوں بلکہ ایک عام اور محنت کرنے والا انسان ہوں، اسلیے مجھے مسٹر پرفیکٹ نہ کہا جائے‘۔

عامر خان نے کہا کہ ’میں خود کو مسٹر پرفیکٹ کہکلانے کے قابل نہیں سمجھتا اور مجھے یہ غلط لگتا ہے، تاہم کبھی نام کے ساتھ لقب جڑ جاتا ہے اور وہ شناخت بنتا ہے مگر ایسا ضروری نہیں لقب اور حقیقت کا کوئی تعلق ہو‘۔

انہوں نے مزید کہا کہ بہترین کام کے لیے کوشش کرتا ہے کیونکہ مجھے اپنے کام سے پیار ہے۔