پاکستانی اداکارہ کے شوہر کا بیٹے کی متوقع پیدائش کی خوشی میں لگژری گاڑی کا تحفہ

پاکستانی اداکارہ ایمن سلیم کے ہاں ننھے مہمان کی آمد متوقع ہے اور انہوں نے پہلے ہی اولاد کی جنس معلوم کروالی ہے۔

یہ بات اُس وقت موضوع بحث بنی جب ایمن سلیم نے سماجی رابطے کی سائٹ پر اپنے شوہر کے ہمراہ شوٹ کی گئی ویڈیو شیئر کی۔

اس ویڈیو کے ساتھ انہوں نے اپنے گھر اولاد کی پیدائش کی خوش خبری سنائی اور ساتھ یہ بھی بتایا کہ اُن کے ہاں لڑکا ہوگا۔

اس ویڈیو میں اداکارہ کو نیلے رنگ کے لباس میں دیکھا جاسکتا ہے۔ اداکارہ کے شوہر نے انہیں بیٹے کی خوشخبری دینے پر نیلے رنگ کی لگژری گاڑی بھی تحفے میں دی جس پر ایمن بےحد خوش ہوئیں اور گلے لگ کر شوہر کا شکریہ ادا کیا۔