پریانکا چوپڑا کی 6 سال بعد بھارتی سنیما میں انٹری

ممبئی: عالمی شہرت یافتہ بھارتی اداکارہ پریانکا چوپڑا کی 6 سال بعد بھارتی سنیما میں واپسی ہوگئی۔

ایس ایس راجامولی نے اپنی آنے والی فلم سے اداکارہ پریانکا چوپڑا کی پہلی جھلک دکھا دی جسے دیکھ کر اداکارہ کے مداح خوش ہوگئے ہیں۔

فلم کے پوسٹر میں اداکارہ چمکدار پیلے رنگ کی ساڑھی میں بندوق سے نشانہ لیتے ہوئے نظر آ رہی ہیں۔

پریانکا چوپڑا اس نئی فلم میں مہیش بابو کے ہمراہ منداکنی کا کردار ادا کرتے نظر آئیں گی۔اس نئی فلم کا نام ممکنہ طور پر گلوب ٹراٹر رکھا جائے گا۔

ایس ایس راجامولی نے اس پوسٹر کو سوشل میڈیا پر شیئر کرتے ہوئے کیپشن میں پریانکا چوپڑا کو مخاطب ہوتے ہوئے لکھا، وہ خاتون جس نے عالمی سطح پر ہندوستانی سنیما کو نئے انداز میں پیش کیا۔

 دیسی گرل کو خوش آمدید، مجھے اس بات کا بہت بیصبری سے انتظار ہے کہ آپ کے روپ میں دنیا منداکنی کے بیشمار رنگ دیکھے۔

اداکارہ نے خود بھی فلم کے پوسٹر کو سوشل میڈیا پر شیئر کیا اور کیپشن میں لکھا منداکنی سے ملیں، بظاہر ان کی یہ جتنی گہری شخصیت کی مالک نظر آتی ہیں حقیقت میں ان کی شخصیت میں اس سے بھی کہیں زیادہ راز چھپے ہوئے ہیں۔