رنویر سنگھ مجھے کاپی کرتا ہے، اداکار نعمان اعجاز

معروف پاکستانی اداکار نعمان اعجاز نے دعوی کیا ہے کہ بھارتی فلم اسٹار رنویر سنگھ ان کو کاپی کرتے ہیں۔

نعمان اعجاز نے انسٹاگرام پر اپنی ایک تصویر شیئر کی جس میں وہ سیاہ رنگ کے قمیص شلوار میں جبکہ کمر پر ایک منفرد پٹی باندھے ہوئے ہیں۔

اس کو عام طور پر صوفی لباس سے پہچانا جاتا ہے۔ یہی وجہ ہے کہ نعمان اعجاز نے اس تصویر کے ساتھ صوفیانہ شعر بھی لکھا۔

اس تصویر پر ایک مداح نے آکر نعمان اعجاز سے سوال کیا کہ یہ آپ نے کب سے رنویر کو کاپی کرنا شروع کردیا۔ (اسی طرح کا لباس چند روز قبل انہوں نے پہنا تھا)۔

اس پر نعمان اعجاز نے جواب دیا کہ میں نہیں بلکہ رنویر سنگھ مجھے کاپی کرتا ہے۔