ارباز خان کی شادی پر سلمان خان کا نئی بھابھی کے ساتھ ڈانس، ویڈیو وائرل
Webdesk
|
25 Dec 2023
بالی ووڈ کے سلطان سلمان خان نے اپنے بھائی ارباز خان کی شادی پر اُن کی اہلیہ شوریٰ خان کے ساتھ ڈانس کیا، جس کی ویڈیو سوشل میڈیا پر وائرل ہوگئی ہے۔
ارباز خان کی شادی کی تقریب 24 دسمبر کو ممبئی میں منعقد ہوئی جس میں چند قریبی دوستوں اور اہل خانہ نے شرکت کی۔
نکاح کی تقریب اُن کی بہن ارپیتا خان شرما کے گھر منعقد کی گئی تھی۔
شادی کی تقریب کی ویڈیوز اور تصاویر وائرل ہورہی ہیں، ایک ویڈیو میں سلمان خان ’’دل دیا گلاں” اور “تیرے مست مست دو نین‘‘ پر ڈانس کرتے ہوئے دیکھا جاسکتا ہے۔
ویڈیو میں سلمان خان کے ساتھ اُن کی نئی بھابھی شوریٰ خان بھی محو رقص تھیں جبکہ ارباز خان اور ملائکہ اروڑا کے بیٹے ارہان خان نے بھی اپنے والد کی دوسری شادی کا جشن ڈانس کرکے منایا۔ ارباز خان کی شادی میں سلمان خان پٹھان اسٹائل والا قمیص شلوار پہنے ہوئے تھے جبکہ سہیل خان نے سیاہ ٹی شرٹ کے ساتھ نیلی جینز کا انتخاب کیا۔
دوسری جانب ارباز خان نے اپنی دوسری بیوی شوریٰ خان سے محبت کا اظہار کرنے کے لیے تقریب میں اُن کے لیے گانا “تیرے مست مست دو نین” بھی گایا، اُن کی گلوکاری کو وہاں موجود مہمانوں نے خوب سراہا۔
Comments
0 comment