صبا قمر اور نعمان اعجاز کے بولڈ سین کی ویڈیو دیکھ کر مداح آگ بگولہ

پاکستانی اداکارہ صبا قمر اور اداکار نعمان اعجاز کو بولڈ سین کرنے پر عوام کی جانب سے شدید تنقید کا سامنا کرنا پڑ رہا ہے۔

تفصیلات کے مطابق نعمان اعجاز اور اداکارہ صبا قمر کی ویب سیریز مسٹر اینڈ مسز شمیم کے ایک بولڈ سین کی ویڈیو سوشل میڈٰا پر وائرل ہورہی ہے۔

اس ویڈیو کے سامنے آنے کے بعد صارفین نے دونوں اداکاروں پر تنقید کے نشتر برسا دیے۔

رپورٹس کے مطابق یہ فلم زی فائیو پر نشر کی جائے گی جس کی کہانی ایک ایسے جوڑے کے گرد گھومتی ہے جو موذی مرض ایڈز کا شکار ہے۔

صارفین نے دونوں اداکاروں کو آڑے ہاتھوں لیتے ہوئے کہا کہ اتنی شہرت حاصل کرنے کے باوجود بھی ایسے مناظر سمجھ سے باہر ہیں، صبا قمر اور نعمان اعجاز کو احتیاط سے کام لینا چاہیے۔

ایک اور صارف نے لکھا کہ یہ وہی اداکار ہیں جن کا دعویٰ ہے کہ وہ وضو کر کے گھر سے نکلتے ہیں اور پھر ایسے مناظر کی عکس بندی کرواتے ہیں۔