ٹک ٹاکر کی انوکھی شادی، صرف پانچ مہمان شریک، ویڈیو وائرل

امریکہ کی ریاست اوریگن سے تعلق رکھنے والی ٹک ٹاک صارف کالینا میری کی شادی میں اپنی نوعیت کا انوکھا واقعہ پیش آیا، انہوں نے شادی کے تجربے کو سوشل میڈیا پر شیئر کر کے وائرل کردیا۔

کالینا نے اپنے خوابناک شادی کے دن کے لیے 75 مہمانوں کو ڈیجیٹل دعوت نامے بھیجے تھے اور 25 کو ذاتی طور پر دعوت دی تھی۔ مگر جب شادی کے دن وہ شاندار ہال میں داخل ہوئیں، تو صرف پانچ لوگ ان کی شادی میں شریک ہوئے۔

اس موقع پر کالینا نے ٹک ٹاک ویڈیو میں لکھا، "یہ ہمارا داخلہ ہے پانچ لوگ آئے ہیں،یقین نہیں آرہا، اس ویڈیو میں دلہن اور دولہا کو ایک تقریبا خالی ہال میں دیکھا جا سکتا ہے جہاں صرف چند مہمان موجود ہیں۔

کالینا نے اپنی ویڈیو میں کہا کہ انہیں یہ سمجھ نہیں آ رہا کہ آخر ایسا کیوں ہوا، "یہ وہ خواب نہیں تھا جسے میں دیکھا کرتی تھی۔"