یشما گل کوشادی کے لئے کیسا لڑکا چاہئے؟ اداکارہ نے بتادیا

شوبز انڈسٹری کی معروف خوبرو اداکارہ یشما گل نے اپنے ہونے والے شوہر سے متعلق کچھ باتوں کا انکشاف کیا ہے۔

انسٹاگرام پر ایک ویڈیو کلپ گردش کررہا ہے، جس میں اداکارہ اپنے ہونے والے شوہر میں خصوصیات کے حوالے سے بتا رہی ہیں۔

میزبان نے جب ان سے پوچھا کہ وہ کس طرح کے لڑکے کو اپنی زندگی کا ہمسفر بنائیں گی، انہوں نے بتایا کہ سب سے پہلے اس کا اخلاق اچھا ہونا چاہئے، وہ اصول پرست ہو اور سب سے بڑھ کر وہ خدا کا خوف رکھتا ہو۔

اس کی وجہ بتاتے ہوئے یشما گل نے کہا کہ خوفِ خدا رکھنے والا شخص اچھی طرح جانتا ہے کہ آپ اور آپ کے جذبات کا خیال کیسے رکھنا ہے اور آپ کیلیے کیا درست ہے۔