جنگ ہوتی ہے تو نقصانات بھی ہوتے ہیں، رافیل تباہ ہونے کے سوال پر بھارتی فضائیہ کے افسر کی آئیں بائیں شائیں

بھارتی فضائیہ کے افسر نے نیوز بریفنگ میں صحافی کی جانب سے رافیل گرنے یا پاکستان کی طرف سے تباہ کرنے کا سوال پوچھا تو اعلیٰ افسر جواب نہ دے سکے۔

اپنی بات کی تمہید باندھتے ہوئے بھارتی فضائیہ کے افسر نے کہا کہ جب جنگ ہوتی ہے تو نقصانات بھی ہوتے ہیں، میں اس موقع پر کوئی ایسی بات نہیں کروں گا مگر آپ یہ دیکھیں کہ ہم نے جو اہداف مختص کیے وہ حاصل کیے یا نہیں، اس کا جواب ہے ہاں ہم نے حاصل کیے ہیں۔

انہوں نے یہ بھی بتایا کہ ہمارے تمام پائلٹس کارروائی کے بعد باحفاظت گھر واپس آگئے ہیں۔