اُن کا آنا تھا آگئے، اب مذاکرات نہیں ہوں گے، حکومت کا پی ٹی آئی کیلیے اعلان

حکومت نے تحریک انصاف کے ساتھ مذاکرات نہ کرنے کا اعلان کردیا جبکہ وزیر داخلہ نے کہا ہے کہ سارے مالی اور جانی نقصان کی ذمہ دار ایک عورت ہے جس کا میں نام لے چکا ہوں۔

ڈی چوک اسلام آباد میں پریس کانفرنس کرتے ہوئے محسن نقوی نے کہا کہ اُن کو آنا تھا آگئے مگر اب دھرنے والوں سے کوئی مذاکرات نہیں ہوں گے اور یہ فیصلہ وزیراعظم کی زیر صدارت اجلاس میں ہوا ہے۔

وزیر داخلہ نے کہا کہ ان کی کوشش تھی کہ لاشیں گریں مگر ہم نے علاقہ کلیئر کروانے کے ساتھ احتیاط سے کام لینے کا فیصلہ کیا، ایک عورت فساد چاہتی ہے اور وہ ہی سارے جانی و مالی نقصانات کی ذمہ دار ہے۔

محسن نقوی نے کہا کہ میں اُس عورت کا نام پہلے بھی لے چکا ہوں۔ یہاں وزیر داخلہ کی مراد بشریٰ بی بی سے تھی۔