27 ویں آئینی ترمیم کے اثرات، جسٹس منصور علی شاہ، جسٹس اطہر من اللہ مستعفی

اسلام آباد:  سپریم کورٹ کے جج  جسٹس منصور علی شاہ نے اپنے عہدے سے مستعفی ہوگئے، ان کے علاوہ سپریم کورٹ کے جج جسٹس اطہر من اللہ بھی مستعفی ہوگئے ہیں۔

ذرائع کے مطابق سپریم کورٹ کے سینئر جج جسٹس منصور علی شاہ نے 13 صفحات پر مشتمل اپنا استعفیٰ صدر مملکت آصف علی زرداری کو  بھجوا دیا ہے۔

 جسٹس منصور علی شاہ نے 27 ویں آئینی ترمیم پر تحفظات کا اظہار کیا تھا اور اس سلسلے میں چیف جسٹس سپریم کورٹ جسٹس یحییٰ آفریدی کو 2  خطوط بھی بھیجے تھے۔

جسٹس منصور علی شاہ کا اپنے استعفے میں کہنا ہے کہ 27 ویں آئینی ترمیم آئین پاکستان پر سنگین حملہ ہے،27 ویں آئینی ترمیم نے سپریم کورٹ آف پاکستان کو ٹکڑے ٹکڑے کردیا ہے۔

جسٹس منصورعلی شاہ نے کہا ہے کہ 27  ویں ترمیم  نے عدلیہ کو  حکومت کے ماتحت کردیا ہے۔