عمران خان کے انٹرویو کا خواہش مند صحافی مختصر نوٹس پر پاکستان سے ڈی پورٹ

برطانوی نژاد امریکی مصنف اور صحافی کو اڈیالہ جیل میں قید پاکستان تحریک انصاف کے بانی عمران خان کا انٹرویو کرنے کی کوشش کرنے پر ملک بدر کر دیا گیا۔

 عمران خان کی بہن علیمہ خان کے ساتھ اڈیالہ جیل کے باہر دیکھے جانے کے بعد 73 سالہ چارلس گلاس کو ملک چھوڑنے کے لیے صرف پانچ گھنٹے کا وقت دیا گیا۔ 

 گلاس، نیوز ویک، اے بی سی ٹی وی، اور دی ٹیلی گراف سمیت ممتاز خبر رساں اداروں میں بطور صحافی گلاس سابق وزیر اعظم کے ساتھ ایک انٹرویو کرنے کے لیے پاکستان میں آئے۔

 چارلس پاکستانی صحافی زاہد حسین کی رہائش گاہ پر ٹھہرے ہوئے تھے کہ بدھ کی دوپہر اسلام آباد پولیس کی ایک بڑی نفری انہیں اطلاع دینے پہنچی کہ انہیں شام 5 بجے تک ڈی پورٹ کردیا جائے گا۔

اس کے بعد پولیس نے انہیں ہوٹل پہنچ کر ڈی پورٹ کرنے سے متعلق احکامات کا بتایا اور انہیں چار بجے کی فلائٹ سے ابو ظہبی بھیج دیا۔

پاکستان تحریک انصاف نے صحافی کی ملک بدری کے حوالے سے تصدیق کی اور اس اقدام کو غیر منصفانہ قرار دیا ہے۔