عوام کیلیے بجلی مزید مہنگی، صنعت کاروں کو 10 روپے سے زائد ریلیف دینے کا اعلان

وزیراعظم نے برآمدات بڑھانے سمیت دیگر عوامل کے نام پر صنعت کاروں کو بجلی کی قیمت میں بڑا ریلیف دینے کا اعلان کیا ہے جبکہ نیپرا نے عوام کیلیے بجلی کی فی یونٹ اوسط قیمت 5 روپے 71 پیسے بڑھا دی۔

وزیراعظم ہاؤس کی جانب سے جاری اعلامیے میں بتایا گیا ہے کہ شہباز شریف نے صنعت کاروں کیلیے بجلی کی قیمت 10 روپے 69 پیسے کم کر کے فی یونٹ قیمت 34 روپے 99 پیسے مقرر کی ہے۔ اس اقدام سے صنعت کاروں پر سے تقریبا دو سو ارب کا بوجھ کم اور انہیں ریلیف ملے گا۔

شہباز شریف نے بجلی کی فی یونٹ قیمت میں کمی نیپرا کی سفارش پر کی۔ 

اُدھر نیپرا نے تمام صارفین کیلیے بجلی کی فی یونٹ اوسط قیمت 5 روپے 71 پیسے بڑھاتے ہوئے اسے مںظوری کیلیے وزیراعظم کو ارسال کردیا ہے۔ نئی قیمتوں کا اطلاق یکم جولائی سے ہوگا۔