بچوں کو پولیو کے قطرے پلانے سے انکار پر لیڈی ڈاکٹر گرفتار

سندھ کے شہر بدین کے ایک کلینک میں بچوں کو پولیو کے قطرے پلانے سے روکنے پر لیڈی ڈاکٹر کو گرفتار کر لیا گیا ہے۔

 پولیس کے مطابق واقعہ بدین بائی پاس روڈ پر واقع ایک کلینک میں پیش آیا جہاں مبینہ طور پر لیڈی ڈاکٹر نے پولیو ٹیم کو بچوں کو پولیو کے قطرے پلانے سے روک دیا۔

 ایس ایس پی نے بتایا کہ ڈاکٹر نے پولیو ٹیم کے ساتھ بدتمیزی کی اور انہیں زبردستی کلینک سے نکال دیا۔

 پولیو ٹیم کی شکایت کے بعد پولیس نے فوری کارروائی کرتے ہوئے ڈاکٹر کو گرفتار کر کے اس کے خلاف مقدمہ درج کر لیا۔

واضح رہے کہ صوبہ خیبر پختونخوا میں دو نئے کیسز سامنے آنے کے بعد اس سال پاکستان میں پولیو کے کیسز کی تعداد 45 ہو گئی ہے۔