پاکستان

بلاول بھٹو 4 سال کیلیے پیپلزپارٹی کے چیئرمین منتخب

مرکزی سیکریٹریٹ میں انٹرا پارٹی الیکشن کا انعقاد

ویب ڈیسک

|

12 Apr 2025

پاکستان پیپلزپارٹی کے انٹرا پارٹی انتخابات کے نتائج سامنے آگئے، جس میں چیئرمین سمیت دیگر مرکزی عہدوں کے لیے کامیاب ہونے والے امیدواروں کو چار سال کیلیے منتخب کیا گیا ہے۔

پاکستان پیپلز پارٹی کے انٹراپارٹی انتخابات کے نتائج کے مطابق بلاول بھٹو زرداری چار سال کیلئے چیئرمین پاکستان پیپلز پارٹی منتخب ہوگئے۔

انٹرا پارٹی انتخابات سینٹرل سیکریٹریٹ، اسلام آباد میں منعقد ہوئے۔ جس میں ہمایوں خان چار سال کیلئے پاکستان پیپلز پارٹی کے سیکرٹری جنرل ، ندیم افضل گوندل (چن )چار سال کیلئے پاکستان پیپلز پارٹی کے سیکرٹری اطلاعات منتخب ہوگئے۔

اس کے علاوہ آمنہ پراچہ چار سال کیلئے پاکستان پیپلز پارٹی کی سیکرٹری فناننس منتخب ہوئیں۔