بلے کا نشان واپس لینے کے فیصلے پر پی ٹی آئی چیئرمین کا ردعمل

پاکستان تحریک انصاف کے چیئرمین بیرسٹر گوہر نے الیکشن کمیشن آف پاکستان کی جانب سے جاری ہونے والے فیصلے پر شدید تحفظات کا اظہار کیا ہے۔

الیکشن کمیشن کی جانب سے پی ٹی آئی کے انٹرا پارٹی انتخابات کو کالعدم قرار دے کر بلے کا انتخابی نشان واپس لینے کے فیصلے پر ردعمل دیتے ہوئے بیرسٹر گوہر نے کہا کہ الیکشن کمیشن کے فیصلے پر ہمارے تحفظات ہیں۔

انہوں نے سوال کیا کہ پی ٹی آئی نے آئین کی کونسی شق کی خلاف ورزی کی ہے؟ دراصل الیکشن کمیشن نے ہمارا انتخابی نشان واپس لینے کا تہیہ کر رکھا تھا۔

انہوں نے کہا کہ صرف ہماری پارٹی کا انٹراپارٹی الیکشن دیکھا گیا، باقی پارٹیوں کو چھوڑ دیا گیا۔