بانی پی ٹی آئی اور بشری بی بی کی ڈھائی ہفتے بعد ملاقات

بانی پی ٹی آئی عمران خان اور ان کی اہلیہ بشریٰ بی بی کے درمیان ڈھائی ہفتے بعد عدالت میں ملاقات ہوئی ہے۔

راولپنڈی اڈیالہ جیل میں 190 ملین پاؤنڈ اسکینڈل ریفرنس کیس کی سماعت کے دوران بانی پی ٹی آئی نے روسٹرم پر آکر کہا کہ میں نے ڈینٹسٹ سے چیک اپ کروانا ہے۔

احتساب عدالت کے جج نے کہا کہ جیل میں ڈاکٹرز موجود ہیں، آپ چیک اپ کروالیں۔ بانی پی ٹی آئی نے کہا کہ سات مہینے ہوگئے، ایک بار بھی ڈاکٹر کے پاس نہیں گیا، جیل کا ڈاکٹر میرے دانت ہی نہ نکال دے، 70 سال کی عمر میں دانت کا چیک اپ کروانا ہے۔