برطانوی جریدے میں عمران خان کے آرٹیکل پر پی ٹی آئی کی ایک بار پھر وضاحت

پاکستان تحریک انصاف نے برطانوی اخبار دی اکانومسٹ میں شائع ہونے والے آرٹیکل کے حوالے سے ایک بار پھر وضاحت پیش کردی۔

پی ٹی آئی کے ترجمان نے میڈیا پر صبح سے نشر ہونے والی خبر ’آرٹیکل عمران خان نے نہیں، اے آئی سے لکھا گیا‘ پر تبصرہ کرتے ہوئے کہا کہ برطانوی  اخبار دی اکانومسٹ میں شائع آرٹیکل  بانی پی ٹی آئی عمران خان نے خود لکھا ہے۔

ترجمان پی ٹی آئی کا کہنا تھا کہ بانی پی ٹی آئی کے دی اکانومسٹ میں چھپے آرٹیکل پر چلنے والی خبریں حقائق کے برعکس ہیں، آرٹیکل  کے حوالے سے حقائق کو درست  انداز میں  پیش نہیں کیا جا رہا۔

تحریک انصاف نے واضح کیا کہ دی اکانومسٹ میں شائع ہونے والا مضمون عمران خان نے خود تحریری کیا اور یہ   آرٹیکل آرٹیفیشل انٹیلیجنس کے  ذریعے نہیں لکھا گیا۔