ضلع خیبر میں سکیورٹی فورسز کے آپریشن میں 5 خوارج واصل جہنم

پشاور: خیبرپختونخوا کے ضلع خیبر میں سکیورٹی فورسز کے آپریشن میں 5 خوارج کو واصل جہنم کردیا گیا۔

آئی ایس پی آر کے مطابق مطابق خیبر کے علاقے تیراہ میں خفیہ اطلاع پر آپریشن کیا گیا اور سکیورٹی فورسز نے خوارج کے ٹھکانے کو مثر طریقے سے نشانہ بنایا۔

آئی ایس پی آر کے مطابق آپریشن میں خارجی عابد اللہ عرف تراب سمیت 5 خوارج ہلاک اور ایک خارجی کو گرفتار کرلیا گیا۔

بیان میں کہا گیا ہے کہ ہلاک خوارج کے قبضے سے اسلحہ اور گولہ بارود بھی برآمد ہوا اور مارے گئے خوارج سکیورٹی فورسزکیخلاف دہشتگردی کی متعدد کارروائیوں اور  علاقے میں معصوم شہریوں کے قتل میں ملوث تھے۔

آئی ایس پی آر کے مطابق سکیورٹی فورسز ملک سیدہشتگردی کی لعنت کے خاتمے کیلئے پرعزم ہیں۔