فیض حمید کے بھائی بڑی مشکل میں آگئے

فیض حمید کے بھائی نجف حمید کے خلاف مبینہ کرپشن اور آمدن سے زائد اثاثے بنانے کے الزامات پر باقاعدہ تحقیقات کا آغاز کر دیا گیا ہے۔

ذرائع کے مطابق یہ انکوائری ایف آئی اے کے اینٹی کرپشن سیل کی جانب سے کی جا رہی ہے۔ تحقیقات کے دوران نجف حمید کی گرفتاری کے لیے مختلف مقامات پر چھاپے بھی مارے جا رہے ہیں، تاہم تاحال گرفتاری عمل میں نہیں آ سکی۔

ذرائع کا کہنا ہے کہ ایف آئی اے نے نجف حمید سے متعلق تمام اہم اداروں سے ریکارڈ اور تفصیلات طلب کر لی ہیں، جن میں ان کے بینک اکاؤنٹس، مالی لین دین اور اثاثوں کی معلومات شامل ہیں۔ اس کے علاوہ ان کا نام پی آئی این ایل میں بھی شامل کر دیا گیا ہے۔

یاد رہے کہ اس سے قبل اسلام آباد کی ایک ماتحت عدالت نجف حمید کی اراضی اسکینڈل سے متعلق کیس میں عبوری ضمانت منسوخ کر چکی ہے، جس کے بعد تحقیقات میں مزید تیزی آ گئی ہے۔

ذرائع کے مطابق تحقیقات مکمل ہونے کے بعد قانونی کارروائی کے حوالے سے مزید پیش رفت متوقع ہے۔