حکومت کا بجلی بلوں میں مزید کمی کا فیصلہ، درخواست نیپرا میں جمع

حکومت نے عوام کو ریلیف دینے کے لیے مسلسل تیسرے مہینے بجلی کے بلز میں کمی کا فیصلہ کیا ہے جس کے لیے درخواست نیپرا میں جمع کرادی۔

حکومتی ادارے کی جانب سے جاری اعلامیے میں بتایا گیا ہے کہ مارچ کے مقابلے اپریل کے بلز7 روپے 6 پیسے سے کم کرکے فی یونٹ قیمت 4 روپے 92 پیسے پر لائی گئی۔

اسی طرح اپریل کے مقابلے میں مئی کے لیے فیول ایڈجسٹمنٹ4.92 روپے سے کم کر کے 2.94 روپے پرلانے کی درخواست نیپرا میں سماعت کیلئے جمع کرادی گئی ہے۔

مارچ کےمقابلے مئی کے بلز میں 4 روپے 12 پیسے فی یونٹ کمی ہو گی۔

وفاقی وزیر برائے توانائی و پیداوار اویس لغاری نے کہا کہ فیول پرائس کی ممکنہ طور پر بچت کر کے ثمرات عوام تک پہنچائیں گے۔