جنگ بندی کے بعد پاکستان اور بھارت کے ڈی جی ایم اوز کا پہلا رابطہ

پاکستان اور بھارت کے ڈائریکٹر جنرلز آف ملٹری آپریشنز (ڈی جی ایم او)کی جنگ بندی معاہدے کے بعد پہلی بات چیت ہوئی۔

تفصیلات کے مطابق پاکستان اور بھارت کے فوجی آپریشنز کے سربراہوں نے پیر کی شام ٹیلی فونک بات چیت کی، جو گزشتہ ہفتے دونوں ممالک کے درمیان سرحدی جھڑپوں کے بعد جنگ بندی کے معاہدے پر اتفاق کے بعد پہلا رسمی رابطہ تھا۔    

رپورٹس کے مطابق، دونوں اطراف کے ڈائریکٹر جنرلز آف ملٹری آپریشنز (ڈی جی ایم او) نے ملٹری ہاٹ لائن کے ذریعے مذاکرات کیے۔

یہ معاہدے کے بعد ڈی جی ایم او کے درمیان پہلی بات چیت تھی۔    جنگ بندی کے اس معاہدے کا مقصد سرحدی علاقوں، خاص طور پر لائن آف کنٹرول (ایل او سی) پر کشیدگی کو کم کرنا ہے، جہاں پہلے فائرنگ کے تبادلے سے جانی نقصان اور سیکیورٹی کے خدشات بڑھ گئے تھے۔