جوائنٹ عوامی ایکشن کمیٹی سے اب کوئی بات نہیں ہوگی، وزیراعظم

وزیراعظم آزاد کشمیر نے جوائنٹ عوامی ایکشن کمیٹی کے حوالے سے پالیسی بیان جاری کردیا۔

تفصیلات کے مطابق وزیراعظم آزاد کشمیر فیصل ممتاز راٹھور نے اپنے تازہ بیان میں کہا ہے کہ سیاست کے نام پر انتشار پھیلانے والوں سے اب کسی قسم کی بات نہیں ہوگی۔

اُن کا کہنا تھاکہ ایکشن کمیٹی کے لیڈروں کے بیانات ریکارڈ پرہیں، وہ ریاست پر دھاوا بولنے سے پیچھے نہیں ہٹیں گے، ریاست پرامن احتجاج کا حق دیتی ہے لیکن بلیک میلنگ کی اجازت ہرگز نہیں دی جائےگی۔

انہوں نے واضح کیا کہ اب انتشار پھیلانے اور بیرونی فنڈز و ایجنڈے پر چلنے والوں سے کوئی مذاکرات نہیں ہوں گے۔