کالجز کی تعطیلات میں بھی 14 اگست تک توسیع

موسم کی شدید صورتحال اور بارشوں کی پیش گوئی کے پیش نظر سندھ حکومت نے کراچی سمیت صوبے بھر کے کالجوں کی موسم گرما کی تعطیلات میں بھی 14 اگست تک توسیع کردی ہے۔

وزیر تعلیم سردار علی شاہ کی ہدایت پر نوٹیفکیشن جاری کر دیا گیا۔ نوٹیفکیشن کے مطابق چھٹیوں میں 14 اگست تک توسیع کر دی گئی ہے۔

نوٹیفکیشن میں کہا گیا ہے کہ یہ حکم محکمہ کالجز ایجوکیشن سندھ کے انتظامی کنٹرول میں چلنے والے کالجوں کے لیے موثر ہوگا۔ "تاہم، جشن آزادی کے حوالے سے ہم نصابی سرگرمیوں کو اس کے خط اور روح کے مطابق منظم کیا جائے گا‘۔

اس سے قبل صوبائی حکومت نے یکم اگست تک موسم گرما کی تعطیلات کا اعلان کیا تھا۔

اس سے قبل صوبائی محکمہ نے موسم کی خرابی کے پیش نظر صوبے کے سکولوں کی موسم گرما کی تعطیلات 14 اگست تک بڑھانے کا فیصلہ کیا تھا۔

تعطیلات میں توسیع ایک احتیاطی اقدام ہے تاکہ جاری گرم موسم کے دوران طلباء اور تدریسی عملے کی حفاظت اور بہبود کو یقینی بنایا جا سکے۔