کراچی میں 9ویں اور 10ویں کے امتحانات کا نیا شیڈول جاری

کراچی: شہر قائد میں ہونے والے  نویں اور دسویں جماعت کے امتحانات کا شیڈول تبدیل کردیا گیا۔

ذرائع کے مطابق محکمہ تعلیم سندھ کی اسٹیئرنگ کمیٹی کے اجلاس میں میٹرک کے امتحانات ملتوی کرنے کا فیصلہ کیا گیا۔

نئی شیڈول کے مطابق نویں دسویں کے پریکٹیکل امتحانات 10 مارچ سے ہوں گے،16 مارچ کو شروع ہونے والے امتحانات اب 7 اپریل سے شروع ہوں گے۔

فرسٹ ایئر اور سیکنڈ ایئر کے امتحانات 28 اپریل سے ہوں گے۔

ذرائع کا کہنا ہے کہ محکمہ تعلیم سندھ کی اسٹیرنگ کمیٹی نے میٹرک کے امتحانات ملتوی کرنے کا فیصلہ رمضان المبارک کی وجہ سے کیا۔