کراچی میں منگل تک موسم کیسا رہے گا؟

محکمہ موسمیات نے کراچی میں آئندہ 24 گھنٹوں کے دوران موسم گرم اور مرطوب رہنےکا امکان ظاہر کیا ہے۔

 محکمہ موسمیات کے مطابق شہر میں وقفے وقفے سے تیز ہوائیں چلنے اور زیادہ سے زیادہ درجہ حرارت 35 سے 37 ڈگری سینٹی گریڈ تک رہنے کا امکان ہے۔

 شہر میں ہوا میں نمی کا تناسب 65 فیصد ہے اور سمندری ہوائیں 18کلو میٹر فی گھنٹہ کی رفتار سے چل رہی ہیں۔

محکمہ موسمیات کا کہنا ہے کہ منگل سے موسم میں پھر تبدیلی ہوگی اور گرمی کی شدت میں اضافہ ہوگا۔