کراچی آنے والی امریکی خاتون نے 10 ارب روپے کی انگوٹھی چوری کا دعوی کردیا

کراچی میں اپنے آن لائن بوائے فرینڈ کی تلاش میں آنے والی امریکی خاتون اونجا اینڈریو رابنسن ایک گیسٹ ہاؤس میں اپنی ہیرے کی انگوٹھی تلاش کرنے پہنچیں اور دعویٰ کیا کہ انگوٹھی کی قیمت 27 ارب روپے سے زائد تھی۔

خاتون نے دعویٰ کیا کہ قیمتی انگوٹھی انہیں ندال نے تحفے میں دی جس کی قیمت لاکھوں میں تھی۔ میڈیا اہلکاروں اور چھیپا رضاکاروں کے ہمراہ، اونجا گیسٹ ہاؤس پہنچیں اور اپنی 'سرخ انگوٹھی' کا مطالبہ کیا اور اصرار کیا کہ یہ ان کے قیام کے دوران گم ہو گئی تھی۔

انتظامیہ نے قیام کی تردید کی اور کہا کہ ہمارے پاس تو خاتون کا کوئی ریکارڈ نہیں ہے۔ امریکی خاتون نے کہا کہ میں نے یہاں قیام کیا، تم اپنی کتاب میں دیکھو اور میری سرخ ہیرے کی انگوٹھی واپس کرو‘۔

خاتون نے مزید دعویٰ کیا کہ وہ کمرہ نمبر 106 میں ٹھہری تھیں، میرے شوہر کی دی گئی انگوٹھی 10 کروڑ ڈالر (10 ارب روپے سے زائد) کے قریب ہے۔