کراچی والے ہوجائیں تیار! محکمہ موسمیات نے بارشوں کی نوید سنادی

  کراچی : محکمہ موسمیات نے شہر قائد میں ایک بار پھر مون سون بارشوں کی پیش گوئی کردی۔

تفصیلات کے مطابق شہر قائد میں 9 سے 11 اگست کے دوران کراچی میں بارش کا امکان ہے۔جبکہ سرمئی بادلوں نے شہر کو اپنی لپیٹ میں لے رکھا ہے۔

 گرج چمک کے ساتھ بارش کے دوران تیز ہواؤں کے جھکڑ چلنے کی بھی توقع ہے۔ محکمہ موسمیات کے مطابق دیہی سندھ کے مختلف اضلاع میں بھی گرج چمک کے ساتھ بارش ہوسکتی ہے۔

واضح رہے کہ شہر میں گزشتہ دنوں ہونے والی معمولی بارش کے بعد سے سڑکوں کی حالت پہلے ہی انتہائی خستہ ہوچکی ہے۔