کرک، پولیس چوکی پر شرپسندوں کے حملے میں 3 اہلکار شہید، 3 زخمی

کرک: خیبرپختونخوا کے ضلع کرک میں پولیس چوکی پر شرپسندوں کے حملے میں3 پولیس اہلکار شہید اور 5 زخمی ہوگئے۔

تفصیلات کے مطابق کرک میں بہادرخیل کی پولیس چوکی پر شرپسندوں نے حملہ کیا جس میں2 پولیس اہلکار شہید اور 6 زخمی ہوگئے۔

ڈی پی او نے بتایا کہ حملے میں شہید ہونے والوں میں ڈرائیور نقیب اور عدنان شامل ہیں۔حکام کے مطابق شرپسندوں نے بھاری ہتھیاروں سے حملہ کیا تھا۔

پولیس کی جوابی فائرنگ سے حملہ آور فرار ہوگئے۔ڈی پی او کے مطابق 4 زخمی پولیس اہلکار ڈسٹرکٹ ہیڈ کوارٹر ہسپتال منتقل کیا گیا جہاں بعد ازاں ایک اور پولیس اہلکار تیمور حیات زخموں کی تاب نہ لاتے ہوئے دم توڑ گیا ۔

3 زخمی پولیس اہلکاروں کو پشاور ریفر کر دیا گیا ہے اور تینوں کی حالت تشویشناک بتائی جا رہی ہے۔ڈی پی او نے بتایاکہ پولیس نے علاقے میں سرچ آپریشن شروع کر دیا ہے۔