خوارج کی سیز فائر کا فائدہ اٹھانے کی کوشش ناکام، فورسز کی کارروائی میں 50 ہلاک

فتنہ الخوارج کی جانب سے افغانستان کیطرف سے سیز فائر کا فائدہ اٹھا کے در اندازی کی ناکام کوشش کی گئی، سیکیورٹی فورسز کی بھرپور جوابی کارروائی میں 50 خوارج مارے گئے۔ 

 سیکیورٹی ذرائع کے مطابق مہمند میں پاک فوج کی کامیاب کارروائی کرتے ہوئے 45 سے 50 خوارج کو ہلاک کردیا۔۔

ضلع مہمند میں سیکیورٹی فورسز نے ایک بڑی کارروائی کے دوران پاکستان میں در اندازی کی کوشش ناکام بناتے ہوئے 45 سے 50 خوارج کو جہنم واصل کر دیا ہے۔

سیکورٹی ذرائع کا کہنا ہے کہ اطلاعات کے مطابق آپریشن خفیہ معلومات کی بنیاد پر کیا گیا، جس میں خوارج کی بڑی تشکیل کو نشانہ بنایا گیا۔کارروائی کے دوران کئی خوارج زخمی بھی ہوئے، جب کہ پاک فوج نے علاقے کو گھیرے میں لے کر مکمل کلیئرنس آپریشن شروع کر رکھا ہے۔

آپریشن کے دوران فائرنگ کا تبادلہ کئی گھنٹوں سے جاری ہے۔فوٹیج میں آپریشن شروع ہونے سے پہلے خارجیوں کی موومنٹ کو دیکھا جا سکتا ہے ہلاک ہونے والے خوارج افغانستان سے پاکستان میں دہشتگردانہ کارروائیاں سر انجام دینے آئے تھے۔