خواتین سے بھیک منگوانے والا گروہ کا سرغنہ گرفتار

سٹی ٹریفک پولیس لاہور نے رمضان المبارک کے دوران پیشہ ور بھکاریوں کے خلاف بڑا ایکشن کرتے ہوئے ٹھوکر کے علاقے سے بھکاری گینگ کا سرغنہ گرفتار کر لیا۔

گرفتار فرد احمد ولد انگن کے خلاف گداگری ایکٹ کے تحت مقدمہ درج کر کے اسے حوالات میں بند کر دیا گیا ہے۔  

انچارج سیکٹر نیاز بیگ انسپکٹر زاہد اور ٹریفک وارڈنز امجد اور ارشد کی مسلسل 2 سے 3 دن کی کاوشوں کے بعد بھکاری گینگ کا پتہ چلایا گیا۔

گرفتار سرغنہ اپنی گھر کی خواتین سمیت دیگر عورتوں سے بھیک منگواتا تھا اور خود سائیڈ پر بیٹھ کر نگرانی کرتا تھا۔   احمد نے اعتراف کیا کہ وہ شکارپور، سندھ کا رہائشی ہے اور وہاں سے خواتین کو لاہور لاتا ہے۔ اس نے بتایا کہ اس کا پورا گروہ ہے، جسے وہ شہر کے مختلف پوائنٹس پر بھیک مانگنے کے لیے چھوڑتا اور واپس لیتا ہے۔  

سی ٹی او لاہور نے انچارج نیاز بیگ اور ٹریفک وارڈنز کو ان کی بہترین کارکردگی پر تعریفی اسناد اور نقد انعام دینے کا اعلان کیا ہے۔

پولیس کا کہنا ہے کہ رمضان میں خصوصی ٹیموں کے ذریعے شہر کو پیشہ ور بھکاریوں سے پاک کرنے کے لیے کریک ڈاؤن جاری رہے گا۔