لبنان میں موجود پاکستانیوں کیلیے ہدایت نامہ جاری، شہریوں کو سفر نہ کرنے کی ہدایت

دفتر خارجہ نے لبنان میں پاکستانی شہریوں کے لیے ایڈوائزری جاری کرتے ہوئے انہیں سفر نہ کرنے کی ہدایت کردی۔

دفتر خارجہ کی جانب سے جاری اعلامیے میں حالیہ حملوں کے پیش نظر پاکستانی شہریوں کو لبنان کا سفر نہ کرنے جبکہ لبنان میں مقیم پاکستانی شہری دستیاب کمرشل پروازوں کے ذریعے فوری لبنان چھوڑنے کی ہدایت کی گئی ہے۔

دفتر خارجہ نے کہا کہ جو پاکستانی کسی وجہ سے لبنان نہیں چھوڑسکتے وہ انتہائی احتیاط برتیں اور محفوظ علاقوں میں منتقل ہوں، پاکستانی شہری سفارت خانہ پاکستان بیروت سے رابطے میں رہیں۔