لاہور میں پی ٹی آئی کے خلاف کریک ڈاؤن، 55 کارکنان گرفتار، مرکزی قیادت روپوش

لاہور: پنجاب پولیس نے پاکستان تحریک انصاف کے کارکنان کو گرفتار کرنے کا سلسلہ شروع کردیا اور اب تک 55 کارکنان کو گرفتار کرلیا گیا ہے۔

لاہور میں پاکستان تحریک انصاف کی مرکزی قیادت ایک بار پھر روپوش ہوگئی ہے جبکہ کارکنان کی گرفتاریوں کا سلسلہ بھی جاری ہے۔

لاہور کے مختلف علاقوں سے پولیس نے 55 پی ٹی آئی کے کارکنان کو گرفتار کیا جن کو مختلف تھانوں میں منقتل کیا گیا ہے۔ پولیس کے مطابق گرفتار ہونے والوں میں 9 مئی واقعات میں ملوث اشتہاری ملزمان بھی شامل ہیں۔

ڈی آئی جی آپریشنز لاہور نے کہا کہ انتشار پھیلانے والے کارکنوں پر نئے مقدمات درج کیے جائیں گے۔