اللہ کی مدد و نصرت اور قوم کی ثابت قدمی نے پاکستان کو سرخرو کیا، مولانا فضل الرحمان

پشاور:مولانا فضل الرحمان کا کہنا ہے کہ مشکل گھڑی میں بھارتی جارحیت کے مقابلے میں اللہ کریم کی مدد ونصرت اور قوم کی ثابت قدمی نے پاکستان کو سرخرو کیا ۔

پشاور میں ورکرز سے خطاب کرتے ہوئے کہا کہ پوری قوم ،سیاسی قائدین اور افواج پاکستان کو مبارکباد پیش کرتا ہوں حالیہ تنازع میں بے گناہ شہریوں کی شہادت کو اللہ کریم شرف قبولیت عطا فرمائے ۔

انہوں نے کہا کہ خطے کو آگ وخون میں دھکیلنے کی بھارتی و اسرائیلی سازش ناکام ہوئی مضبوط دفاعی قوت کے پس پشت سیاسی قیادت اور قوم کے اتحاد نے دشمن کو پیچھے ہٹنے پر مجبور کیا ۔

اللہ کریم آئندہ بھی ہر قسم کے آزمائشوں سے محفوظ رکھے ،اللہ کریم وطن عزیز کو سلامت رکھے اور قوم کو صحیح معنوں میں اسلامی فلاحی ریاست کی بہاریں نصیب ہوں ۔