مقدمات کا بوجھ، سپریم کورٹ نے سالانہ چھٹیوں میں کمی کردی

سپریم کورٹ نے کیسز کے بوجھ کیوجہ سے موسم گرما کی چھٹیوں میں ایک ماہ کی کمی کردی۔

تفصیلات کے مطابق سپریم کورٹ نے موسم گرما کی چھٹیوں میں ایک ماہ کی کمی کا اعلان کردیا۔ 

رجسٹرار سپریم کورٹ کے مطابق موسم گرما کی چھٹیوں کا آغاز پندرہ جون کے بجائے پندرہ جولائی سے ہوگا۔

نوٹی فکیشن میں بتایا گیا ہے کہ زیر التوا مقدمات کے پیش نظر چھٹیوں میں کمی کا فیصلہ کیا گیا۔

اس حوالے سے تمام ملازمین کو بھی مطلع کردیا گیا ہے۔