امریکا سے آئی خاتون جناح اسپتال کے نفسیاتی وارڈ میں میں داخل

کراچی میں اپنے آن لائن بوائے فرینڈ کو شوہر بنانے کے مشن پر کراچی آنے والی امریکی خاتون کو طبیعت ناساز ہونے کے بعد اسپتال پہنچ گئیں۔

اونجا اینڈریو کو ان کے بیٹے کے ایک ویڈیو بیان کے بعد اسپتال منتقل کیا گیا، جس میں ان کا دعویٰ تھا کہ ان کی والدہ بائی پولر ڈس آرڈر سے لڑ رہی ہیں۔

واضح رہے کہ 10 اکتوبر سے کراچی میں مقیم خاتون کے پاس کوئی ویزا نہیں تھا اور وہ شہر میں گھوم رہی ہیں۔ حکام کو جب ان کی ذہنی صحت کے بارے میں تشویش ہوئی تو انہیں بالآخر نگہداشت میں لے لیا گیا۔

بعد ازاں، انہیں نفسیاتی وارڈ میں داخل کرایا گیا۔ ذرائع کے مطابق، خاتون غیر مربوط باتیں کر رہی تھیں، جو کہ ممکنہ ذہنی صحت کے مسئلے کی نشاندہی کرتی ہے۔ ان کی حالت کا جائزہ لینے کے لیے ماہر ڈاکٹروں سے ان کا مکمل معائنہ کیا جائے گا۔