انوار الحق کاکڑ نے وزیراعظم ہاؤس خالی کردیا

نگراں وزیراعظم انوار الحق کاکڑ نے وزیراعظم ہاؤس خالی کردیا ہے۔

تفصیلات کے مطابق نگراں وزیراعظم وزیراعظم ہاؤس سے منسٹر انکلیو میں اپنی پرانی رہائش گاہ منتقل ہوگئے ہیں۔

انہیں منسٹر انکلیو میں بنگلا نمبر 15 الاٹ کیا گیا ہے۔

واضح رہے کہ کل اتوار کو قومی اسمبلی کا اجلاس منعقد ہوگا جس میں نئے وزیراعظم کا انتخاب عمل میں لایا جائے گا جس کے بعد نئے وزیراعظم، پی ایم ہاؤس منتقل ہوجائیں گے۔

وزارت عظمی کیلیے حکومتی جماعتوں کی جانب سے شہباز شریف جبکہ سنی اتحاد کونسل (پی ٹی آئی) نے عمر ایوب کو نامزد کیا ہے۔ امکان ظاہر کیا جارہا ہے کہ شہباز شریف واضح اکثریت سے نئے وزیراعظم مقرر ہوجائیں گے۔