نیپرا نے 66 ارب کا بوجھ صارفین پر ڈال دیا، فی یونٹ قیمت میں بڑا اضافہ

نیشنل الیکٹرک پاور ریگولیٹری اتھارٹی نے عوام پر بجلی بم گراتے ہوئے فی یونٹ قیمت میں 7 روپے سے زائد کا اضافہ کردیا۔

تفصیلات کے مطابق نیپرا کی جانب سے جنوری کی ماہانہ فیول ایڈجسٹمنٹ کی مد میں فی یونٹ بجلی کی قیمت میں 7 روپے 5 پیسے کا اضافہ کیا گیا ہے۔

حالیہ اضافے سے بجلی صارفین پر 66 ارب روپے کا اضافی بوجھ پڑے گا۔

نیپرا نے بجلی کی قیمت میں اضافے کا نوٹیفکیشن جاری کردیا، جس کے مطابق اضافے کا اطلاق لائف لائن کے الیکڑک صارفین پر نہیں ہوگا ۔

بجلی صارفین کو مارچ کے بلوں میں اضافی ادائیگیاں کرنا ہوں گی۔