پاکستان میں کل سرکاری تعطیل کا اعلان

وزیراعظم شہباز شریف نے 28 مئی یوم تکبیر کے سلسلے میں کل ملک بھر میں سرکاری تعطیل کا اعلان کردیا۔

ذرائع کے مطابق وزیراعظم شہباز شریف نے 28 مئی یوم تکبیر کو سرکاری چھٹی قرار دے دیا ہے، انہوں نے کہا کہ یوم تکبیر قوم کے ملکی دفاع کو ناقابل تسخیر بنانے کے لیے اتحاد کی یاد دلاتا ہے۔

وزیراعظم شہباز شریف کا مزید کہنا تھا کہ یوم تکبیر سبز ہلالی پرچم تلے متحد ہونے کی یاد دلاتا ہے۔

اُنہوں نے کہا کہ شبانہ روز محنت سے اقتصادی سلامتی کو یقینی بنائیں گے،28مئی کو ملکی دفاع کو ناقابل تسخیر بنایا گیا۔