پلڈاٹ نے پی ٹی آئی کے انٹرا پارٹی الیکشن کو متنازع قرار دے دیا

پاکستان میں شفاف الیکشن کی نگرانی اور جمہوریت کے فروغ کیلیے کام کرنے والی تنظیم پلڈاٹ کے سربراہ نے پی ٹی آئی کے انٹرا پارٹی الیکشن ہو متنازع قرار دے دیا۔

پلڈاٹ کے احمد بلال نے کہا کہ پاکستان میں سیاسی جماعتیں انتخابات میں شفافیت کا تو مطالبہ کرتی ہیں مگر ان کے اپنے انٹرا پارٹی الیکشن شفاف نہیں ہوتے اور متنازع طریقے سے قیادت منتخب ہوکر آتی ہے۔

''مجھے نہیں لگتا کہ انٹرا پارٹی انتخابات اچھے طریقے سے ہوئے ہیں، عجلت میں الیکشن کرانا پی ٹی آئی کے حق میں نہیں، مجھے لگتا ہےکہ پی ٹی آئی انٹرا پارٹی الیکشن متنازع ہیں۔''

ان کا مزید کہنا تھا کہ تحریک انصاف کے انٹرا پارٹی الیکشن میں ووٹرز لسٹ نہیں دی گئی، اکبر ایس بابر کو مقابلہ کرنے کا پورا موقع دیا جانا چاہیے تھا۔