پانی کے ترسے کراچی والوں کیلیے بڑی خوش خبری

پانی کے ستائے کراچی کے شہریوں کو واٹر بورڈ نے بڑی خوش خبری سنادی۔

ترجمان واٹر کارپوریشن نے اپنے جاری ایک اعلامیہ میں بتایا کہ یونیورسٹی روڈ پر پانی کی 84 انچ ڈایا مین لائن کا مرمتی کام مکمل کرلیا گیا ہے۔

اعلامیے کے مطابق مرمتی کام مکمل ہونے کے بعد دھابیجی پمپنگ اسٹیشن سے پانی کی فراہمی شروع کردی گئی ہے اور متاثرہ علاقوں میں پانی کی سپلائی شروع کردی گئی ہے۔

واضح رہے کہ یونیورسٹی روڈ پر 84 انچ کی لائن کی مرمت کی وجہ سے کئی علاقوں میں پانی بند تھا اور چار روز کی مسلسل بندش کے بعد معاملہ بحرانی صورت اختیار کرگیا تھا۔

واٹر بورڈ کی ٹیموں نے رات دن محنت کر کے اس خرابی کو دور کردیا ہے۔