پرائیوٹ میڈیکل اینڈ ڈینٹل کالجز کی سالانہ فیس مقرر

وفاقی وزارتِ صحت نے پرائیویٹ میڈیکل اور ڈینٹل کالجز کی فیس 12 لاکھ روپے سالانہ مقرر کرنے کا فیصلہ کیا ہے۔ 

وزارت صحت کی جانب سے جاری اعلامیے کے مطابق سالانہ فیس میں اضافے کا اطلاق رواں سال سے ہوگا جبکہ پرائیوٹ کالجز پر بھی یہی فیس لاگو ہوگی۔

اس سے قبل پرائیویٹ میڈیکل کالجز طلبہ سے سالانہ 30 لاکھ روپے تک فیس لے رہے تھے۔ حکام کے مطابق ہائی پاور کمیٹی نے اپنی تجویز نائب وزیرِ اعظم اسحاق ڈار کو بھجوا دی ہیں۔

 اسحاق ڈار کی منظوری کے بعد یہ تجویز پی ایم ڈی سی کونسل سے منظور کرائی جائے گی۔