پی ٹی آئی کارکن گلفام حسین کیانی لندن میں گرفتار

پاکستان تحریک انصاف (پی ٹی آئی)کے سپورٹر گلفام حسین کیانی کو لندن میں اسکاٹ لینڈ یارڈ پولیس نے حراست میں لے لیا ہے۔

اسکاٹ لینڈ یارڈ ذرائع نے پاکستان تحریک انصاف (پی ٹی آئی)کے سپورٹر گلفام حسین کیانی کی گرفتاری کی تصدیق بھی کردی۔

واضح رہے کہ اسکاٹ لینڈ یارڈ نے 4 دن قبل گلفام حسین کے وارنٹ جاری کیے تھے۔ گلفام کو وزیراعظم شہباز شریف اور نواز شریف کو قتل کی دھمکیوں کے الزام میں گرفتار کیا گیا۔

گلفام حسین نے ایون فیلڈ کے دروازوں پر پتھر پھینکنے کی ویڈیوز سوشل میڈیا پر اپلوڈ کی تھیں۔گلفام نے ٹک ٹاک پر شریف برادران کو قتل، ایون فیلڈ اپارٹمنٹس تباہ کرنے کی دھمکی دی تھی۔

پولیس نے گلفام کیانی کو اس وقت گرفتار کیا جب وہ ایون فلیڈ گیٹ پر لاتیں مار رہے تھے۔ن لیگ برطانیہ کے رہنما خرم بٹ نے گفام حسین کی ویڈیوز برطانوی پولیس کو دی تھیں۔

خرم بٹ کا کہنا ہے کہ پولیس نے تصدیق کی کہ میری شکایت پر یہ گرفتاری عمل میں آئی ہے۔ میری شکایت پر پولیس اس معاملہ کو کئی ماہ سے دیکھ رہی تھی۔

گلفام حسین کے قریبی ذرائع کے مطابق گلفام حسین کا فون اس وقت بند ہے ان سے رابطہ نہیں ہو رہا۔ گلفام حسین نے کبھی قانون ہاتھ میں نہیں لیا۔