رمضان المبارک شروع ہونے میں صرف 90 روز باقی

پاکستان میں جمادی الثانی 1445 ہجری کا چاند نظر آگیا، جس کے بعد رمضان المبارک کا مہینہ شروع ہونے میں صرف 90 روز باقی ہیں۔

تفصیلات کے مطابق رویت ہلال کمیٹی کا مرکزی اجلاس چیئرمین عبد الخبیر کی زیر صدارت اسلام آباد جبکہ زونل کمیٹیوں کے اجلاس دیگر شہروں کوئٹہ، لاہور، کراچی اور پشاور میں ہوئے۔

اجلاس نے شہادتیں موصول ہونے کے بعد جمادی الثانی کا چاند نظر آنے کا متفقہ فیصلہ کیا۔ چیئرمین رویت ہلال کمیٹی نے بتایا کہ یکم جمادی الثانی 15 دسمبر بروز جمعے کو ہوگی۔

دوسری جانب وزارت مذہبی امور اور بین المذاہب ہم آہنگی نے جمادی الثانی 1445 ہجری کا چاند نظر آنے کا نوٹی فکیشن جاری کردیا۔