ارمغان کے والد نے ایف آئی اے اور پولیس کو خوار کروادیا

کراچی کے علاقے ڈیفنس میں اغوا کے بعد قتل ہونے والے نوجوان مصطفیٰ کے کیس میں ایف آئی اے منی لانڈرنگ کی ٹیم ملزم ارمغان کے گھر پر پہنچی مگر والد نے ایک گھنٹہ انتظار کروایا اور پھر اہلکار واپس لوٹ گئے۔

تفصیلات کے مطابق ایف آئی اے کی ٹیم منی لانڈرنگ کے حوالے سے تحقیقات کی غرض سے ملزم ارمغان کے گھر متعلقہ تھانے کی نفری کے ساتھ پہنچی۔

ایف آئی اے اور پولیس اہلکاروں نے ایک گھنٹے تک گھر کا دروازہ کھٹکھٹایا اور بیل بجائے تاہم ارمغان کے گھر میں موجود والد کی طرف سے کوئی جواب نہیں دیا گیا۔

ایف آئی اے اور پولیس اہلکار ایک گھنٹہ طویل انتظار کے بعد ناکام واپس لوٹ گئے۔ ذرائع کا کہنا ہے کہ ایف آئی اے ٹیم کے پہنچنے کے وقت ارمغان کے والد گھر پر ہی موجود تھے۔