اسد طور اڈیالہ جیل سے رہا

معروف یوٹیوبر اور صحافی اسد طور کو عدالتی احکامات موصول ہونے کے بعد اڈیالہ جیل سے رہا کردیا گیا۔

تفصیلات کے مطابق اسپشل جج سینٹر اسلام آباد نے عدلیہ اور چیف جسٹس مخالف مہم کے الزام میں اسد طور کی درخواست ضمانت منظور اور انہیں رہا کرنے کا حکم دیا تھا۔

اسد طور گزشتہ کئی روز سے ایف آئی اے کی تحویل میں تھے اور اُن کا جسمانی ریمانڈ بھی ہوا جس کے بعد چوتھی بار عدالت نے انہیں جوڈیشل ریمانڈ پر اڈیالہ جیل بھیج دیا تھا۔

جج کے حکم نامے کے بعد عدالت نے روبکار جاری کیا جو اڈیالہ جیل انتظامیہ نے موصول ہوتے ہی اسد طور کو جیل سے رہا کردیا۔