شمالی وزیرستان، مسلح افراد اسسٹنٹ کمشنر کی گاڑی اور پولیس اہلکاروں کو اغوا کر کے لے گئے

خیبرپختونخوا کے ضلع شمالی وزیرستان میں نامعلوم مسلح افراد نے اسسٹنٹ کمشنر کی سیکیورٹی پر تعینات پولیس اہلکاروں کو اغوا کرلیا۔

تفصیلات کے مطابق شمالی وزیرستان کے علاقے میر علی میں نامعلوم مسلح افراد نے سرکاری گاڑی اور پولیس اہلکاروں کو اغوا کیا اور نامعلوم مقام کی طرف منتقل ہوگئے۔

واقعے سے متعلق گورنر خیبرپختونخوا فیصل کریم کنڈی نے رپورٹ طلب کرلی اور اغوا کی مذمت کی ہے۔ انہوں نے ہدایت کی کہ  مغوی اہلکاروں کی جلد اور بحفاظت بازیابی کو یقینی بنایا جائے۔