شیخ رشید نے عمران خان کی رہائی کا سوچنے والے کو بے وقوف قرار دے دیا

عوامی مسلم لیگ کے سربراہ شیخ رشید احمد نے عمران خان کی رہائی کا سوچنے والوں کو بے وقوف قرار دے دیا۔

اڈیالہ جیل کے باہر میڈیا سے گفتگو کرتے ہوئے شیخ رشید کا کہنا تھا کہ موجودہ صورت حال میں عمران خان کو رہا نہیں کیا جائے گا اور کوئی بے وقوف ہی ہوگا جو اس وقت بانی پی ٹی آئی کی جیل سے رہائی کی بات سوچے گا۔

اُن کا کہنا تھا کہ جیل میں گیا اس سے 164 کا بیان لیا گیا۔ قبر ایک اور مردے تین ہیں اور اس پر سپریم کورٹ سے بڑا ریلیف مل سکتا ہے۔

شیخ رشید کا مزید کہنا تھا کہ یہ غریب کی لڑائی ہے، حلق سے فلک تک غربت ہے، کینیا کی فلم  پاکستان میں دہرائی جاسکتی ہے۔ اگست 30 سے پہلے حساب ہوگا۔