اسمبلی کے پہلے اجلاس میں فریال تالپور گر پڑیں

سندھ اسمبلی میں نومنتخب اراکین کی حلف برداری کے حوالے سے ہونے والے اجلاس میں پاکستان پیپلزپارٹی کی سینئر رہنما لڑ کھڑا کر گر پڑیں۔

فریال تالپور حلف اٹھانے کے بعد کارروائی مکمل کرنے کے لیے رول آف بزنس پر دستخط کرنے کے لیے پہنچیں اور پھر اُن کی آغا سراج درانی سے بھی بات چیت ہوئی۔

دستخط اور گفتگو کے بعد جب فریال تالپور واپس آرہی تھیں تو سیڑھی پر وہ لڑکھڑا کر زمین پر گر گئیں جس پر انہیں وہاں موجود لوگوں نے بھاگ کر اٹھایا۔

ذرائع کے مطابق پیپلزپارٹی شعبہ خواتین ونگ کی صدر کو گرنے کے نتیجے میں کوئی چوٹ یا خراش نہیں آئی اور وہ بالکل ٹھیک ہیں۔